hödnplotz

links da brinzeugän

und rechts da eazeazog koarl

oda umgekehrt

wos was denn I wea wea is

vun di zwaa

is eh wuascht …

und aussadem kummts jo a drauf au

von wöchana seitn dassd kummst

obst vom michaölerplotz

oda vom ring hea kummst

wos ma owa ned wuascht is

dass zwischn die zwa rooss

de fiaka stengan

mid eanare rooss

und de scheissn den hödnplotz zua

dass nua so fäud in da summahitz

es is scho komisch

dass der plotz

den gstaunkn von dera braunen scheiße

nimma los wiad